دارو و طبی محصولات‌لر ایشلری بوییچه ملی اداره آچیلدی. بوگون کابل‌ده انه شو مناسبت بیلن اوتکزیلگن ییغین‌ده افغانستان ساغلیق‌نی سقلش وزیری فیروزالدین فیروز نطق سوزلب، اوشبو اداره‌نینگ بیرینچی قیله‌جک ایشی مملکت‌ده‌گی داری – درماننی نظارت قیلیش دیر.
جناب فیروز، بوندن آلدین بیر قطار اداره‌لر ساغلیق‌نی سقلش وزیرلیگی بیلن تینگ شکل‌ده چیت ایل‌دن کیلتیریله دیگن دارولرنی نظارت قیلیشی‌نی ایتگن. لیکن، بو لایحه اداری فساد همده مملکت‌گه صفت‌سیز دارولرنی آلیب کیلینیشی اوچون زمینه یره‌تدی دیگن جناب فیروز.
فیروزالدین فیروزگه کوره، مرکزلشتیریلگن تامینات دنیانینگ ییریک بازارلریدن اینگ ارزان نرخ‌ده دارولر ساتیب آلیب مملکت‌گه کیلتیریلیشی‌گه شرایط یره تگن و بو مساله ایچکی شرکت‌لر اوچون رقابت زمینه‌سینی یره‌تگن.
دارو و طبی محصولات‌لر ایشلری بوییچه ملی اداره‌نینگ اجراییه باشلیغی نورشاه کامه‌وال، بوندن بویان ولایت‌لر شامل پایتخت دواخانه‌لری بواداره نظارتی آستی‌ده فعالیت قیله‌دی دیگن. اونینگ سوزلریگه قره‌گنده، دارولر قانونی مملکت مالیه وزیرلیگی‌گه جونه تیلگن. بو قانون اساسیده مملکت‌گه آلیب کیلینه دیگن دارولر ساتیلیشی‌گه هم اوزگریش کیریتیله‌دی دیگن جناب کامه‌وال.
افغانستان‌نینگ چمه‌سی 95% داروسی چیت ایل‌دن کیلتیریله دیگن بیر پیت‌ده اوشبو اداره آچیلیب فعالیت‌گه باشله‌ماقده. بو رقم دن 35% پاکستان، 25% هند، 15% ایران و قالگنی ایسه چین و بنگله‌دیش مملکت‌لریدن کیلتیریله‌دی. ساغلیق‌نی سقلش وزیرلیگی‌نینگ مسووللری، وزیرلیک‌ده 10مینگ قسم دارو رویخطگه آلینگن دیگن‌لر. ایتیلیشیچه، ییل‌ده 400 میلیون دالر بهاسیده مملکت‌گه دارو کیلتیریله‌دی.
