.jpg)
دنیا هواشناس‌لیک اداره‌لری اوتگن کون افغانستان‌نینگ ایریم بولیم‌لریده دواملی یاغینگرچیلیک و قتیق بُوران یوز بیریشی باره‌سیده آگاهلنتیرگن ایدی.
بو خبرلرنی رد قیلگن افغانستان هوا شناسلیک اداره‌سی‌نینگ رسمی‌لری مملکت‌ده قتیق بُوران یوز بیریشی احتمالی‌نی بیر میش – میش دیگنلر. دنیا هواشناس‌لیک اداره‌سی مسووللری، اخیرگی بیر هفته ده پاکستان‌نینگ بعضی حدودلری دواملی یاغینگرچیلیک گواهی بولگن لیگینی ایتیب، بو وضعیت افغانستان هواسی‌گه تاثیر قالدیریشی ممکن دیگنلر.
مملکت هواشناس‌لیک اداره‌سی‌نینگ باشلیغی سید رضا موسوی‌نینگ سلام وطندارگه ایتیشیچه، مملکت غربی ولایت‌لریده دایمی یاغینگرچیلیک باشلنگن و بو وضعیت جمعه گه قدر شرقی ولایت‌لرگه اوته‌دی. جناب موسوی، جنوب و جنوب شرقی ولایت‌لرده قتیق شمال یوز بیریشی‌نی تصدیق‌لب، اما بو شمال‌لر آغیر بُوران ایمس لیگینی بیلدیرگن.
.jpg)
خلق ارا هوا شناسلیک اداره‌لری‌نینگ ایتیشیچه، سونگی بیر هفته ایچیده هندوستان بیلن پاکستان‌نینگ ایریم قسمت‌لری قتیق یاغینگرچیلیک گواه بولگن و بو بُورانلر کیلگوسی کونلرده افغانستان‌گه اوته‌دی.
هوا شناسلیک اداره باشلیغی، مذکور اداره تامانیدن تعیین ایتیلگن معیارلر اساسیده، 50 نات دن آرتیق بولگن شمال گه بوُران دییله‌دی دیگن. دیمک جنوبی ولایت‌لرده یوزبیرگن شمال چقنه‌لیگی 30 نات تخمین‌لنگن.
جناب برمک‌گه کوره، اولر خلق ارا هوا شناسلیک اداره‌لری تامانیدن آگاه لنتیریلگن احتمالی بُوران کوپراق جنوبی ولایت‌لرنی تهدید قیله‌دی. جناب برمک‌نینگ کوپه‌یتیریشیچه، وضعیت خواطرلی؛ بیراق، اولر باشقه یاردم بیرووچی اداره‌لر همکارلیگی‌ده طبیعی حادثه‌لر خصوصیده، تیارگرلیک آلگن.
