برهان‌ا‌‌لدین ربانی تعلیم وتربیه بیلیم یورتی نینگ بیر قطار استادلری بوگون (چهارشنبه) باله‌لر خلق ارا کونینی نشانله‌دیلر. مملکت‌ده باله‌لر اولدیریلیشی‌نی تنقید آستیگه آلگن. بو استادلر باله‌لرنینگ تعلیم و تربیه‌سی همده اورگه‌تیش و اورگه‌نیش اوچون اعتبار بیریلگن حالده، افغانستان کیله‌جکی آیدین دیدیلر.
بیلیم یورت استادی سیدیاسین قمبر، حاضرگی کونده دنیا بویلب ترورچیلیککه قرشی کوره‌ش پدیده باله‌لردن قربانلیک آله‌دی دیگن. اونینگ سوزلریگه قره‌گنده، افغانستان دنیا بویلب باله‌لر سوءاسعتمال بوله‌دیگن دولتلردن حسابلنه‌دی.
بیلیم یورت نینگ استاد، ایریم خانه‌دانلر بلاغت‌گه ییتمه‌گن گودکلرینی کلتکلش بیلن بولرنینگ شخصیتی رواجله‌نیشی اوچون مانع بوله‌دیلر دیگن.
شونینگدیک جناب قمبر خانه‌دانلردن اوز فرزندلرینی کلتکله‌مسلیکلرینی سوره‌گن. او، عیاله‌لر باله‌لری شخصیتی اوسیشی اوچون فرصت یره‌تیشلری کیره‌ک لیگی اوستیده اورغوله‌گن.
تعلیم و تربیه بیلیم یورتی نینگ علمی اورین باسری جناب خاورین جمعیت‌ده‌گی زوروانلیک نینگ اصلی عالمی باله‌لرنی درست تربیه قیلمس‌لیکدن کیلیب چیقه‌دی دیگن.
جناب خاورین، درست تربیه بولمسلیک، غذایی قشاقیلیک، مدنی قشاقلیک، نا برقرارلیک باله‌لر مقابلیده‌گی اساسی زورونالیکلردن حسابلنه‌دی دیگن.
شونینگدیک جناب خاورین حکومت‌دن باله‌لر تربیه‌سی اوچون جدی اعتبار قره‌تیش‌نی سوره‌گن.
افغانستان‌ده باله‌لر خلق ارا کونی بوگون پایخت کابل‌ده صادر ایتیلگن ییریک پارتلش نتیجه‌سیده 80 کیشی قربان بولیب کمیده 350 کیشی تن جراحتی آلگن بیر پیت‌ده نشانلنماقده.
