امریکا قوشمه ایالتلری‌نینگ حربی قوشینلری 11 تُن آغیرلیکده ایشلب چیقاریلگن اتم‌سیز بمب‌نی پنچ‌شبنه کون کیچقرون ننگرهار ولایتی نینگ اچین تومنی‌گه تشله‌دی.
قنده‌ی بولمه‌سین بونده‌ی ییریک بمب‌نی افغانستان‌ده ایش‌گه سالینیشی اهالی همده سیاسی شخصیتلرنینگ جدی عکس‌العملی‌گه سبب بولدی.
قطار کیشیلر اقش نینگ بو ایشینی آلقیش لسه – ده بعضیلر ایسه بونی قاره‌لب چیقدی.
اطراف محیط ایشلری بووییچه متخصص کاظم همایون نینگ سلام‌وطندارگه ایتیشیچه، بونده‌ی بمبلرنی ایشلب چیقاریش‌ده سرب، کادمیم و جیوه دن ایش آلینه‌دی. شونینگ اوچون سرطان، تنفس، آش قازان، حامله، یوره‌ک خروجی، قان باسیمی یوقاری کیتیشی و کوز ضعیف لیگی‌گه سبب بوله‌دی. اونینگ سوزلریگه کوره، مذکور بمب ننگرهار ولایتیده ایش‌گه سالینیشی محل یشاووچیلری آزیق آوقتی زهرله‌نیشی باعث کیله‌جک نسل‌گه زیانی بار.
مساله توغریسیده خواطر بیلدیرگن اطراف محیط متخصصی، اچین تومنی نینگ آب هواسی اورگه‌نیلیشی اوچون مرکزی حکومت مذکور تومن‌گه بیر گروپ ساحه‌نینگ متخصصلرینی یوباریش کیره‌ک دیدی.
جناب همایون، قاره ماللرنینگ سوت محصولاتی زهرله‌نیش بیلن انسانلرده هم تورلی کسللیکلرنی پیدا قیله‌دی دیگن. اوشبو منطقه نینگ محصولاتی صادر قیلینگن حالده، دولتلرنینگ قاره رویخطیگه آلینیشی ممکن.
روحشناسلیک ساحه‌نینگ متخصصی سید جعفر نینگ سلام‌وطندارگه بیلدیریشیچه، بمبلرنینگ آنه‌سی دیب نام بیریلگن مذکور بمب نینگ ننگرهار ولایتی‌گه تشله‌نیشی اچین خلقینی روحی کسللیکلرگه دوچار قیله‌دی. او، اهالی مذکور بمب نینگ زیانی توغریسیده قنچه‌لیک معلوماتگه ایگه بولگن حالده، اوشبو بمب نینگ زیانی شونچه‌لیک کوپ بوله‌دی دیگن.
اتم سیز GBU-43 بمب داعش نینگ اصلی مرکزینی نابود قیلیش مقصدیده ایشله‌تیلگن. اوشبو بمب بیرینچی مرته میلادی 2003- ییلده عراق اوروشیده سیناو دن اوتکزیلگن ایدی.
