.jpg)
تاجیکستان میزبانلیک قیلگن مرکزی آسیا فوتبال مسابقه‌سیده افغانستان 15 یاشر ملی فوتبال تیرمه جماعه‌سی بیرینچی مرته مملکت تاریخی‌ده مذکور بیلشوونینگ قهرمانی بولدی.
افغانستان فوتبال فدارسیونی نینگ معلوماتیده، افغانستان 15 یاشر فوتبالچیلری ملی تیمی اوشبو مسابقه‌لرده اوچ یوتیش و بیر یوتقیزیش بیلن مرکزی آسیا رقابتلری قهرمانلیک جامینی آلگنی قید ایتیلگن.
اوشبو مسابقه دوامیده افغانستان فوتبال تیمی اوزبیکستان تیمی بیلن اوچره‌شگن. اوتگن کون بولیب اوتگن بو بیلشووده افغانستان تامانی 3-2 نتیجه بیلن اوزبیکستان‌نی یوتدی.
.jpg)
آلتینچی دقیقه‌ده سمیر سمندری، سکیزینچی دقیقه‌ده اصغر حسینی و 63دقیقه‌ده ایسه تمیم میرزاد اوچینچی گول‌نی اوریش بیلن افغانستان‌نی موفقیت‌لیککه آلیب چیقدی.
افغانستان یاش فوتبالچیلر تیمی تاجیکستان و قرغزستان بیلن اوچره‌شیب هم بو ایکّی تیمنی یوتگن ایدی. لیکن، مملکت فوتبال تیمی ترکمنستان تیمیگه یوتقیزدی.
مرکزی آسیا فوتبال مسابقه‌سی نینگ بیرینچی باسقیچی‌ده ایران‌دن بولک، بوتون دولتلر جمله‌دن افغانستان، تاجیکستان، قرغزستان، ترکمنستان و اوزبیکستان فوتبالچیلری قتنشگن ایدی.
