پاکستان‌دن ییتیب کیلگن بعضی گزارشلرده، بو مملکت امنیتی کوچلری افغانستانلیک مهاجرلرنی ینه قیناققه آلگن. افغانلر بو مملکتده تورلی بهانه‌لر بیلن قیناققه آلینه‌دیلر.
گزارشلرده پاکستان پولیسی خیبر پشتونخوانینگ نوشار، پنجاب نینگ حافظ آباد و سیالکوت تومنلریده کمیده 100 مهاجرنی حبس‌گه آلگن.
افغانستانلیک مهاجرلرنینگ خیبر پشتونخواه ایالتیده‌گی وکیلی عبدالحمیدی جلیلی، افغان مهاجلرینی تورلی بهانه‌لر بیلن پاکستان ملی کوچلری تامانیدن قیناققه آلینیش میزانی آشگن لیگینی سلام‌وطندارگه ایتگن.
جناب جلیلی، قولگه آلینگن افغانلر آزاد ایتیلیشی اوچون رسمی اسلام آباد بلند مرتبه‌لی مسووللریگه مراجعه قیلگن لیکلرینی تیلگه آلگن.
ایتیلیشیچه، بیر میلیون 300 مینگ افغانستانلیک قاچقین پاکستان حکومتی آرقه‌لی رسمن رویخطگه آلینگن و 600 قاچقین ایسه رویخطگه آلینمس‌دن بو مملکتده یشب کیلماقده.
افغانستان نینگ پاکستاندهگی قاچقینلر کینگشی نینگ باشلیغی بریالی میاخیل، پاکستانلیک رسمیلر حبس‌گه آلینگنلر قوییب یوباریلیشی اوچون ضمانت سوره‌گن دیدی.
اوتگن هفته بیرلشگن ملتلر تشکیلاتی نینگ قاچقینلر ایشی بیلن مشغول اداره‌سی افغانستان نینگ پاکستاندهگی مهاجلری قیناققه آلینیشی بیلن بو مملکت خلق ارا مهاجرلر حقوقینی آیاق آستی قیلدی دیگن ایدی.