.jpg)
فاریاب ولایتی‌ده افغانستانلیک طالبلر پاکستانلیک طالب‌لرگه قرشی جهاد اعلان قیلگن‌لر. مذکور گروه آدرسی‌دن نشر بولگن ویدیوده بیر قنچه قوراللی طالبلر قولیده بیرق بارلیگی کورینه‌دی.
اوشبو گروه اوچون فاریاب ولایتی‌ده‌گی قوراللی طالبلرنینگ تانیلگن قوماندانی ملا محراب رهبرلیک قیله‌دی.
قول تیلفون آرقه‌لی یازیب آلینگن مذکور صفت‌سیز ویدیوده قول‌لریده آق بیرق بولگن قوراللی طالبلر پاکستان سیاستی‌گه قرشی گپرگن‌لیک‌لری معلوم بوله‌دی.
عین حالده، ولایت والیسی سیدانور سادات مذکور خبرنی تصدیقلب، طالبلرنینگ مذکور گروهی ملامحمد رسول‌نینگ کیشی‌لری دیگن. بولر قیسقه مدتلی اوروش اوتکزیب ملا منصور رهبرلیگی‌ده بولگن طالبلر قولی نیچه قیشلاق‌نی آلگن دیدی ولایت والیسی.
بونگه قره‌می، بهار موسومی ییتیب کیلیشی بیلن جنگری طالبلرنینگ هجومی ولایت نینگ ایریم تومن‌لریده آشیشی کوتیلردی، لیکن، بو اوچینچی مرته قوراللی طالبلر فاریاب ولایتی‌نینگ بیر قنچه حدودلریده اوز ارا توقنشدی‌لر.
جناب سادات، بو توقنشوولر قوراللی طالبلر ایچیده‌گی اصلی مساله‌لر فاش بولگن لیگینی کورسته‌دی دیگن. او، قوراللی طالب‌لردن بیگانه‌لرنینگ سوزیگه الده‌نیب مملکت و خلق‌نی نابود قیلمس‌دن حکومت‌گه قوشیلیش‌لرینی سوره‌گن.
ملا محراب نینگ سوزلریگه قره‌گنده طالبلرنینگ سابق رهبری ملاعمر پاکستان تامانیدن اولدیریلگن. حکومت‌گه قوشیلگن لیگی باره‌سیده بیرار نرسه دیمه‌گن طالبلرنینگ اوشبو قوماندانی نینگ سونگی حرکت‌لری حکومت‌گه مایل ایکن‌لیگی‌دن کیلیب چیقه‌دی.
بوندن آلدین هم ملا سلام راکتی رهبرلیگی‌ده بولگن یوز کیشی لیک بیر گروه غورماچ تومنی همده قیصار تومنی‌ده ملا اسدالله هاشمی کیشی‌لری پاکستانگه قرشی جهاد اعلان قیلیب، فاریاب ولایتی‌ده‌گی ملا منصور طرفدارلری بیلن توقنشگن ایدی.
شونینگ‌دیک فاریاب ولایتی‌ده‌گی قوماندانلردن بیر نظام الدین قیصاری طالبلرنینگ مذکور گروهی تینچ‌لیک لایحه‌سی‌گه قوشیلش‌لری اوچون سعی وحرکت‌لر بار دیگن. قیصار اهالیسی‌گه کوره، قوراللی طالبلرنینگ یوز کیشی‌لیک ییریک بیر گروه تومن‌نینگ بیش کیلو مترلیگی‌ده جایله‌شیب آزاد فعالیت قیله دیلر دیگن. اما، هنوز گچه هم دولت بو توغریده بیرار چاره تدبیر آلمه‌گن.
