افغانستان ساغلیق‌نی سقلش وزیرلیگی نینگ ایتیشیچه، اوتگن 24 ساعت جریانیده مملکت ده کرونا ویروس دن باشقه 125 ینگی ایجابی واقعه رویخط گه آلینگن. ینگی‌لیک‌ده رویخط گه آلینگن ایجابی واقعه‌لر شامل مملکت ده کرونا ویروس گه چلینگن‌لرنینگ رقمی 1828 کیشی گه ییتیشدی.
بوگون «سه‌شنبه، 9- ثور» خبری بیر ییغینده نطق سوزلگن ساغلیق‌نی سقلش وزیرلیگی سوزلاوچیسی وحیدالله مایارنینگ ایتیشیچه، ینگی ایجابی واقعه‌لر 18 ولایتده رویخط گه آلینگن.
ساغلیق‌نی سقلش وزیرلیگی نینگ سوزلاوچیسی گه کوره، ینگی واقعه‌لرنی آره‌سیدن 21 کیشی هرات ده، 15 کیشی کابل ده، 15 کیشی قندهار ده، 10 کیشی بلخ ده، 9 کیشی لوگر ده، 8 کیشی جوزجان ده، 7 کیشی پنجشیر ده، 7 کیشی لغمان ده، 7 کیشی پکتیا ده، 6 کیشی غزنی ده، 6 کیشی تخار ده، 5 کیشی ننگرهار ده، 2 کیشی هلمند ده، 2 کیشی میدان وردک ده،2 کیشی کنر ده و بیر-بیر کیشی بادغیس، کاپیسا و بدخشان ولایت‌لریده کرونا ویروس گه چلینگن‌لر.
وحیدالله مایار، اوتگن 24 ساعت جریانیده کرونا کسل‌لریدن بیری جان بیرگنیدن خبر بیرگن. اونگه کوره، قندهار ولایتده کرونا ویروس گه چلینگن یاش بیر عیال عالم دن اوتگن. اوشبو واقعه شامل مملکت ده کرونا ویروس باعث، جان بیرگن‌لرنینگ رقمی 58 کیشی گه ییتیشدی.
ساغلیق‌نی سقلش وزیرلیگی نینگ ایتیشیچه، اوتگن کوندن بویان کرونا ویروس گه چلینگن‌لردن 8 ته‌سی ساغه‌یگنی معلوم قیلینگن. ساغه‌یگن‌لرنینگ رقمی 228 کیشی گه آشگن.
