افغانستان ساغلیقنی سقلش وزیرلیگی نینگ اعلان قیلیشیچه، اوتگن 24 ساعت جریانیده کرونا ویروس گه شبهه‌لی 637 کیشی دن آلینگن نمونه سیناویده 135 کیشی نینگ نتیجه‌سی مثبت تشخیص قیلینگن.
بوگون «سه‌شنبه، 24- سرطان» ساغلیقنی سقلش وزیرلیگی رسمی‌لری نینگ ایتیشیچه، اوتگن 24 ساعت جریانیده رویخط گه آلینگن ینگی واقعه‌لر شامل مملکت ده کرونا ویروس گه چلینگن‌لرنینگ سانی 34 مینگ و 740 کیشی گه آشگن.
مذکور وزیرلیک‌که گوره، اوتگن بیر کیچه-کوندوز جریانیده کرونا ویروس کسل‌لریدن 24 ته‌سی جان بیرگن و باشقه 174 ته‌سی نینگ قیته ساغه‌یگنی معلوم قیلینگن.
ساغلیقنی سقلش وزیرلیگی تامانیدن بیریلگن رسمی رقم اساسیده، حاضرگه‌قدر مملکت ده کرونا ویروس کسل‌لریدن بیر مینگ و 62 ته‌سی جان بیرگن و باشقه 21 مینگ و 454 ته‌سی قیته ساغه‌یگن.
شونینگدیک، بوتون دنیاده کرونا ویروس گه چلینگن‌لرنینگ سانی 13 میلیون و 400 مینگ دن آشگن. بو آره دن 575 مینگ دن آرتیغی جان بیرگن و باشقه 7 میلیون و 700 مینگ دن آرتیغی یخشی بولگن.
