افغانستان ساغلیقنی سقلش وزیرلیگی نینگ ایتیشیچه، اوتگن 24 ساعت جریانیده کرونا ویروس گه شبهه‌لی 772 کیشی دن آلینگن نمونه سیناویده 302 کیشی نینگ نتیجه‌سی مثبت تشخیص قیلینگن.
بوگون «جمعه، 13- سرطان» مذکور وزیرلیک رسمی‌لری نینگ ایتیشیچه، اوتگن 24 ساعت جریانیده رویخط گه آلینگن ینگی واقعه‌لر شامل مملکت ده کرونا ویروس گه چلینگن‌لرنینگ سانی 32 مینگ و 324 کیشی گه آشگن.
ساغلیقنی سقلش وزیرلیگی نینگ کوپه‌یتیریشیچه، اوتگن 24 ساعت جریانیده کرونا ویروس کسل‌لریدن 12 ته‌سی جان بیرگن و باشقه 1290 ته‌سی نینگ قیته ساغه‌یگنی معلوم قیلینگن.
ساغلیقنی سقلش وزیرلیگی تامانیدن بیریلگن رسمی رقم اساسیده، حاضرگه‌قدر مملکت ده کرونا ویروس کسل‌لریدن 819 ته‌سی جان بیرگن و باشقه 17 مینگ و 331 ته‌سی قیته ساغه‌یگن.
مذکور وزیرلیک‌که کوره، مملکت بویلب سیناودن اوتکزیلگن 74 مینگ و 287 واقعه آره‌سیدن 14 مینگ و 174 ته‌سی فعال دیر.
شونینگدیک، حاضرگه‌قدر بوتون دنیاده 10 میلیون و 985 مینگ دن آرتیق کیشی کرونا ویروس گه چلینگن. بو آره‌دن حاضرگچه 524 مینگ دن آرتیغی جان بیرگن و باشقه 6 میلیون و 140 مینگ دن آرتیغی قیته ساغه‌یگن.
