ملی خوفسیزلیک عمومی ریاستی، داعش نینگ خراسان بولیمی‌نی ییریک بیر مسوولی سردارخان نینگ اوغلی منیب نی قولگه آلینگنیدن خبر بیرگن.
بوگون "چهارشنبه" ملی خوفسیزلیک عمومی ریاستی نینگ بیرخبرنامه آرقه‌لی ایتیشیچه، «ابوبلال، حارث، ابوهلال و ابو همام» گه تانیلگن منیب داعش نینگ خراسان بولیمی‌نی مرکزی کینگش اعضاسی بولیب ملی خوفسیزلیک عمومی ریاستی نینگ خاص قطعه‌سی تامانیدن قولگه آلینگن.
خبرنامه‌ده ایتیلیشیچه، منیب داعش نینگ خراسان بولیمی قاضی‌سی و اوشبو گروه نینگ باشقه تروریستی گروه‌لر جمله‌دن لشکر طیبه، حقانی شبکه‌سی، سپاه صحابه، جمعیت‌العلمای اسلام و پشار کینگشی بیلن هماهنگ قیلیش مسوولی ایکن.
ملی خوفسیزلیک عمومی ریاستی تامانیدن نشر قیلینگن خبرنامه‌ده ایتیلیشیچه، منیب پاکستان یشاوچی‌سی دیر و داعش گروهی‌گه قوشیلمسدن آلدین القاعده گروهی نینگ کلیدی اعضالریدن ایکن.
خبرنامه‌ده، داعش نینگ اوشبو ییریک مسوولی‌نی قیردن و قچان قولگه آلینگنی خصوصیده معلومات بیریلمه‌گن.
ایتیلیشیچه، داعش نینگ خراسان بولیمی رهبری اسلم فاروقی‌گه تانیلگن عبدالله اورکزی 16 حمل‌ده 19 یاردمچی‌سی بیلن ملی خوفسیزلیک ریاستی تامانیدن قولگه آلینگن ایدی.
