بوگون «شنبه» افغانستاندن پاکستان گه 25 تُن آلمه و 50 تُن پخته شامل بیرینچی سیناو کارنت‌تیر یوکلمه صادر ایتیلدی.
ترانسپورت وزیرلیگی‌نی مالی و اداری اورین باسری امام‌محمد وریماچ نینگ ایتیشیچه، افغانستاندن پاکستان گه صادر ایتیله‌دیگن توارلر اوچون کارنت‌تیردن فایده‌لنیشی اوتمیش‌ده سوداگرلیک و ترانزیت بولیمی‌ده ایکی مملکت آره‌سیده بولگن قیین‌چیلیک‌لر حل ایتیلیشی‌گه سبب بوله‌دی.
صنعت و سوداگرلیک اتاقی‌نی مدیرلیک هیأتی اورین باسری محمدیونس مومندنینگ ایتیشیچه، میلادی 2013- ییل‌دن بویان افغانستاندن 40 دن آرتیق کارنت‌تیر صادر ایتیلگن و میلادی 2013- ییل‌دن میلادی 2018- ییل‌گچه 3386 کارنت‌تیر تاجیکستان، قزاقستان، ترکمنستان، قرغیزستان، ایتالیا، ایران، لتوانیا و ترکیه کبی مملکت‌لردن افغانستان گه آلیب کیلتیریلگن.
باشقه تاماندن، درآمد و گمرک‌لر اورین باسری، ترانسپورتی شرکت‌لرنینگ مسؤوللریدن تیر تشکیلاتی‌نینگ حجتی‌نی آلیب و افغانستان توارلرینی شو طریق‌دن مذکور تشکیلات گه اعضا مملکت‌لرگه انتقال بیریش‌لرینی طلب قیلگن.
تیر تشکیلاتی‌ده حاضرگچه افغانستان صنعت و سوداگرلیک اتاقی آرقه‌لی 8 ترانسپورتی شرکت رویخط‌گه آلینگن و بو آره‌دن ایکی شرکت تیر تشکیلاتی‌ده فعالیت قیله‌دی.
افغانستان بیرینچی مرته میلادی 1975- ییل‌ده تیر کنوانسیونی اعضالیگی‌نی قولگه کیریتدی؛ بیراق ایچکی قیین‌چیلیک‌لر باعث، بو سیستم‌دن یخشی بیر شکلده فایده‌لنه آلمه‌دی و نتیجه‌ده میلادی 2013- ییل‌ده رسمی شکلده مذکور کنوانسیونده اعضالیگی‌نی فعال قیلدی.
چیگره‌دن اوتیش حجتی یا-ده «کارنت‌تیر» خلق ارا جاده تشکیلاتی‌گه اعضا مملکت‌لر تامانیدن صادر ایتیله‌دی و خلق ارا جاده تشکیلاتی گه اعضا مملکت‌لرنینگ سوداگرلیک توارلرینی بو مملکت‌لرنینگ چیگره‌لریدن اوتکزیش اوچون فایده‌لنه‌دی.
