افغانستان، هند و پاکستان رسمی‌لری کابلده هند مؤقت حکومتی تشکیل ایتیلگن یوز ییل‌لیگی مناسبتی‌ده اوچ تمانلمه یاردم‌لیکلرگه تأکید قیلگنلر.
بوگوندن یوز ییل آلدین، بریتانیا استعماریده بولگن هند اولکه‌سی نینگ افغانستان‌ده‌گی قاچقین‌لری مهاندرا پتاکسین رهبرلیگی‌ده مؤقت حکومتی‌نی یوزه‌گه کیلتیرگن ایدی.
افغانستان مدنیت و بیلدیریش وزیری عبدالباری جهانی، هند موقت حکومتی باره‌سیده ایکی کونلیک علمی – تحقیقی ییغین‌ده سوزگه چیقیش قیلیب، قوشنی اولکه‌لر اینیقسه هند و پاکستاننی افغانستان‌ده تینچ‌لیک کیلتیریش اوچون یاردم‌لیکلرینی سوره‌دی.
جناب جهانی‌نینگ ایتیشیچه، بو حرکت بیلن دنیا بویلب افغانستان خلقی اوروش ایمس، بلکیم تینچ‌لیک و ثبات کیلیشی‌نی ایستیدیلر و نقص قیلگن صورتده بولسه هم قوشنی اولکه‌لر افغانستان تینچلیگی اوچون هر یولدن بولسه یاردم بیریشلرینی سوره‌دی.
هند اولکه‌سی‌نینگ کابلده‌گی ایلچیسی امر سینها، اولکه‌سی‌نینگ افغانستان بیلن یقین اورتاق بولیب یاردم بیریشلری دوام ایتیشینی ایستر ایکن‌لیگی‌نی بیلدیردی.
شونینگ‌دیک پاکستان‌نینگ کابلده‌گی ایلچیسی سید ابرارحسین، افغانستان، پاکستان و هند رسمی‌لریدن هرقنده‌ی بولگنده حاضرگی امنیتی، سیاسی و اقتصادی وضعیت‌ده بیرگه‌لیکده یاردم بیریشلرینی ایسته‌دی. اونگه کوره، شوحاضر منقطه بیرگه‌لیک تهدید بیلن روپه‌ره و تهدیدلر آلدینی آلیش اوچون، اوچله اولکه بیرگه‌لیک یاردمیگه نیاز بار.
اما جمهور رییس غنی‌نینگ سیاسی مصلحت‌چیسی اکرم اخپلواک نینگ ایتیشیچه، افغانستان، پاکستان و هند اولکه‌لری اوز ارا کوپلب قرمه قرشی‌لیکلر بیلن روپه‌ره و بیراوگه اتهام باغلب کیلماقده‌لر. اونگه کوره، بو معمالر حل بولمه گونگه قدر تینچ‌لیک کیلیشی ناممکن.
جناب اخپلواک نینگ ایتیشیچه: «پاکستان و افغانستان اعلام بولمه‌گن اوروش بیلن مصروف‌لر. پاکستان عصیانچی گروه‌لرنی حمایت قیله‌دی. بیرینچی‌دن بو ایکی اولکه اوز ارا کیلیشسه و اوندن کیین طالب‌لر بیلن تینچ‌لیک بوله‌دی».
بو اولتیریش شوپیتده بوله‌دی که اوتگن کون جمهور رییس محمد اشرف غنی، پاکستان باش وزیری نواز شریف بیلن اوچره‌شگن ایدی. بو اوچره‌شووده، ایکی تامان اوروشدن اوتیب تینچ‌لیک سوزله‌شیشلر باشله‌نیشیگه تأکید قیلگنلر.
