.jpg)
بوگون "چهارشنبه" غور ولایتی‌ده 113 مکتب‌نینگ اوقیتووچیلری ایش‌حق‌لری بیریلمه‌گنی سبب اعتراض قیلگنلر.
اوشبو اوقیتووچیلر مذکور ولایت معارف ریاستی برابریده تحصن خیمه قوریب معارف رسمی‌لریدن ایش‌حق‌لری بیریلیشی‌نی سوره‌گنلر.
اعتراضچی‌لرنینگ ایتیشیچه، بیر ییل‌دن بویان ایش‌حق‌لری بیریلمه‌گن و رسمی‌لری‌نینگ بو توغریده سوزلیتیگن سوزی یوق. مذکور اوقیتووچیلرگه کوره، ایش‌حق‌لری بیریلمه‌گن حالده مکتب تامان بارمیدی‌لر.
اعتراضچی‌لردن بیری محمداسلم‌نینگ ایتیشیچه، حکومت غور اوقیتووچیلریگه مثبت جواب قیترمه‌گن حالده مدنی حرکت لریگه دوام بیره‌دیلر.
غور ولایتی‌نینگ معارف سرپرستی خلیل‌احمد مبارزنینگ ایتیشیچه، ملی خوفسیزلیک ریاستی مذکور مکتب لرنی یاپیق مکتب گزارش بیرگن و انه‌شو سبب اوقیتووچیلر ایش‌حق‌لری حاضرگه‌قدر بیریلمه‌گن. جناب مبارز گه کوره، ملی خوفسیزلیک ریاستی موضوع نی حل قیلمه‌گن حالده، اوشبو مکتب لر اوقیتووچیلری‌نینگ ایش‌حق‌لری بیریلمیدی. بو توغریده غور ولایتی‌نینگ ملی خوفسیزلیک رسمی‌لری فکر لرینی آلیش اوچون سعی و حرکت قیلدیک بیراق اولر صحبت قیلیش‌گه حاضر بولمه‌دیلر.
.jpg)
عین‌حالده غور حاکمی‌نینگ سوزلاوچیسی عبدالحی خطیبی‌نینگ ایتیشیچه، عدلی و قضایی نهادلر تامانیدن ملی خوفسیزلیک ریاستی‌نینگ گزارشی رد ایتیلگن حالده اولرنینگ ایش‌حق‌لری بیریله‌دی.
غور ولایتی‌نینگ سابق ملی خوفسیزلیک اداره باشلیغی، تورلی دلیل‌لر باعث مذکور ولایت ده 113 مکتب نی یاپیق گزارش بیریب و اوشبو ولایت مستوفیتی گه بو مکتب لرنینگ دوسیه‌لری حل بولمه‌گن گه‌قدر اوقیتووچیلرگه ایش‌حقی بیریلمه‌سلیک دستورینی بیرگن ایدی.
اوقیتووچیلریگه کوره، مذکور مکتب لر یاپیق قالگن صورتده 24 مینگ اوقووچی تعلیمات دن محروم قاله‌دی.
