بوگون «سه‌شنبه» کابل‌ده ناراضیلیک ییغین یولگه قویگن ننگرهار مدنی فعال‌لریدن بیرقطاری، اوشبو ولایت حاکمی گلاب منگل‌نی ایش‌سیزلیک، فساد و ظرفیت‌سیزلیک‌که عیب‌لب ایتیشیچه، ننگرهارده ناتینچلیک میزانی آشگنی، داعش گروهی‌نینگ فعالیتی کوپه‌یگنی، اوغیرلاوچیلیک، قتل، فساد کینگه‌یگنی و عامه‌وی دارایی‌لر غصب ایتیلگنی سبب، ولایت حاکمی گلاب منگل محکمه‌گه تانیشتیریلیشی لازم.
ننگرهار مدنی فعال‌لریدن خالد سادات‌نینگ ایتیشیچه، جناب منگل لغمان، هلمند ولایت‌لری و باشقه اداره‌لرده ناکام اثبات‌لنگن.
جناب سادات‌نینگ ایتیشیچه، ننگرهار اهالیسی و مدنی فعال‌لر، ولایت حاکمی وظیفه‌سیدن چیکلنتیریلیب و محکمه‌گه تارتیلیشی‌نی سوره‌یدیلر.
مدنی فعال‌لرنینگ کوپه‌یتیریشیچه، کامه تومنی‌نینگ یشاوچیلریدن بیرقطاری ییر نمره‌لری ترقه‌تیلمه‌گنی سبب ایش تشله‌گن‌لریدن کیین، ننگرهار حاکمی تامانیدن ناقانونی شکلده قولگه آلینگن‌لر.
بیراق، ننگرهار حاکمی سوزلاوچیسی عطاالله خوگیانی، بو ادعالرنی رد قیلیب ایتیشیچه، بونده‌ی ناراضیلیک ییغین‌لر یولگه قوییلیشی اوشبو ولایت و اهالی‌نینگ زیانی‌گه دیر.
جناب خوگیانی‌گه کوره، ولایت رهبرلیگی، ننگرهار اوچون رواجلنتیریش لایحه‌لرنی کسب ایتیش خصوصیده، سعی و حرکت قیله‌دی.
اعتراضچی مدنی فعال‌لرنینگ آگاه‌لنتیریش‌لریچه، حکومت باشقه ایکی کونگچه اولرنینگ ایستک‌لریگه قولاق سالمه‌ی و ولایت حاکمی‌نی محکمه‌گه تارتمه‌گن صورتده، کینگ ناراضیلیک نمایش‌گه قول اوره‌دیلر.
