قطار سیاسی سیمالر، مدنی فعاللر و کابل یشاووچیلری بوگون (چهارشنبه) خبری بیر ییغین اوتکزیب ملی بیرلیک حکومتی‌دن قوراللی طالبلرنی آچیق حمایت قیلگن مملکت سابق جمهور رییسی حامدکرزی محکمه بولیشی‌نی سوره‌گنلر.
ییغین‌ده نطق سوزله‌گن عالی تینچلیک کینگشی‌نینگ اعضاسی فضل کریم ایماق، جناب کرزی سونگی کونلرده قوراللی طالبلر باره‌سیده بولگن صحبتی‌ده بو گروه افغانستان دشمنی بولگن‌لیگی خصوصیده مسوولیتی یانده‌شمی، بلکه جنگری طالبلر هجوملرینی حمایت قیلگن دیدی.
جناب ایماق، قوراللی طالبلرنی حمایت قیلگن کرزی بو گروه نینگ انسانیت‌گه قرشی عمل‌گه آشیرگن جنایتی‌نی اونوتگن دیگن. شونینگدیک ییغین‌ده قتنشگنلردن باشقه بیری عطامحمد دهقان، اخیرگی وقتلرده کرزی،مملکت امنیتی تامین بولیشی اوچون قان توکیب شهید بولگنلرگه حرمت‌سیزلیک قیلگن دیدی. اونینگ ایتیشیچه، مملکت اساسی قانونی‌گه موافق کرزی «ملی خیانت جرمیگه" عیب‌له‌نیب محاکمه بولیشی کیره‌ک.
.jpg)
عین حالده، ییغین‌ده چقیش قیلگن حکومت اجراییه باشلیغی داکتر عبدالله‌عبدالله کرزی‌نینگ اخیرگی صحبتلریگه اشاره قیلیب، جناب کرزی‌نینگ سونگی اظهاراتی طالبلرنی دستکلش‌نی بیلدیره‌دی دیگن.
جناب عبدالله، سابق جمهور رییس‌نینگ صحبتلری جدی انابت‌گه آلینیشی حقیده تاکید ایتگن. کورینیشیچه جناب کرزی‌نینگ 13 ییل‌لیک حکومتی طالبلرنینگ ناقانونی اوروشی‌گه رسمیت بیره‌دی و اونینگ حکومتی ناقانونی دیدی عبدالله.
کرزی‌نینگ سونگی اظهاراتلری نماینده‌لر مجلس اعضالری بیر قطارینی غضبی‌نی اویغاتگن. اولرنینگ سوزلریگه کوره، کرزی‌نینگ اخیرگی سوزلری مملکت ملی کوچلری روحیه‌سیگه سلبی تاثیر قیله‌دی.
نماینده‌لر مجلسی‌نینگ اعضاسی ظاهر سعادت‌گه کوره، جناب کرزی بونده‌ی بیاناتلربیلن قوراللی طالبلر بیلن سِر روش‌ده علاقه‌سی بارلیگینی معلوم قیلدی.
سابق جمهور رییس کرزی، اخبارات واسطه‌لریدن بیری بیلن بولگن صحبت‌ده طالبلر هم افغانستان فقراسی، طالبلر کنترولی‌گه اوته دیگن منطقه‌لرنی دولت قیته‌دن آلیش‌گه اولگورمس‌لیگینی معلوم قیلگن.
