.jpg)
تامین عدالت مدنی حرکتی، حمایت ترماق اعضاسی و باشقه قطار مدنی فعاللر بوگون خبری بیر انجمن اوتکزیب، جمهور رییس غنی شاهین 209- قول اردوسیده اویوشتیریلگن هجومنی قاره‌لب ملی ماتم اعلان قیلیش اورنی‌ده قوراللی طالبلرگه قرشی عمومی اوروش اعلان قیلیشی کیره‌ک دیگنلر.
اوشبو مدنی فعاللر، افغانستان خلقی نینگ امنیتینی تامین قیلیش‌ده خوفسیزلیک اداره‌لرنی کوچ سیزلیک‌ده عیبله‌گنلر. بولر ملی مدافعه، ایچکی ایشلر و ملی خوفسیزلیک اداره‌سی نینگ مسووللری ایش‌دن آلینیب عالی محکمه گه تانیشتیریلیشی‌نی سوره‌گنلر.
مدنی فعاللر، امنیتی اداره‌لرنینگ کوچ سیزلیگی باعث دشمن ملی کوچلر صفیگه کیریب آلیش‌گه موفق بولگن دیدیلر. شاهین 209- قول ارود و سردارمحمد داوودخان شفاخانه‌سیده صادر ایتیلگن قانلی هجوم مخالفلرنی ملی کوچلر صفیگه کیرگن لیگینی انگلته‌دی دیگن مدنی فعاللر.
مدنی فعاللردن بیری سمیع دره‌یی، حکومت‌دن بو قبیل هجوملرنی قاره‌لش بیلن کفایه قیلمه‌ی افغانستان خلقی‌گه دشمندن معیین تعریف بیریشی‌نی طلب قیلگن.
جناب درهیی‌گه کوره: «افغانستان خلقی نینگ اصلی دشمنی بولمیش قوراللی طالبلرنی هیچ بیر زمان حکومت تیلگه آلمه‌یدی»
باشقه بیر مدنی فعال سید ناصر موسوی، قانلی واقعه‌لر صادر ایتیلیشی اوچون حکومت‌نی بی‌فرقلیک‌د‌ه عیبلب، وضعیت شونده‌ی لیگیچه دوام ایتگن حالده، افغانستان ینه بونده‌ی قانلی حاثده نینگ گواهی بولیشی امکان‌دن اوزاق ایمس دیگن.
بوندن بویان افغانستان خلقی بو قبیل قانلی حادثه‌لرنی چیده‌شی اوچون حوصله‌سی قالمه‌گن لیگی باره‌سیده علیحده اورغوله‌گن جناب موسوی.
حیقیت‌نی تاپیش اوچون تشکیل بوله‌دیگن کمیسیونلرنی تنقید آستی‌گه آلگن مدنی فعاللر، افغانستان اهالیسی نینگ ذهنینی تینچیتیش اوچون حکومت بونده‌ی کمیسیونلرنی قوریش‌دن کوره، شاهین 209- قول اردو همده سردار محمد داوودخانه شفاخانه‌سیده اویوشتیریلگن هجوم باره‌سیده‌گی حقیقت‌نی اهالی بیلن شریک قیلیشی لازم دیدیلر.
