اعتراضچیلردن اونلرچه‌سی، ملی کینگش بناسی اونگیده توپله‌نیب و دولت تشکیلاتی‌ده بیرقطارلرنی سیاسی ایش بیلرمان احمد سعیدی‌نینگ جانی‌گه قصد قیلیش‌گه عیب‌له‌دی. اوشبو ناراضچیلرنینگ ایتیشیچه، «بیشینچی ستون» مملکت‌ده سوز ایرکین لیگی اوچیشی خصوصیده، سعی و حرکت قیله‌دی.
سیاسی ایش بیلرمان و پاکستان بوییچه افغانستان‌نی سابق ایلچیسی احمد سعیدی، اوتگن هفته (دوشنبه کون) کابل ینگی شهر منطقه‌سیده ناتانیش قورال‌لی کیشی‌لر تامانیدن هدف‌گه آلینیب یره‌لندی.
اعتراضچیلردن بیری باقی سمندرنینگ ایتیشیچه، جنایت‌چیلر مملکت ایچکریسی و تشقریدن سوز ایرکین لیگینی اوچیریش اوچون سعی و حرکت قیلیب و افغانستان‌ده ینگی سیس چیقارگن پدیده نابود ایتیلیشینی ایسته‌یدی.
اوشبو ناراضچیلر بیر شرطنامه چیقاریب، ملی کینگش نماینده‌لریدن بونده‌ی قضیه‌لر خصوصیده، سیس چیقاریش‌لرینی ایسته‌گن. شونینگ‌دیک، اوشبو شرطنامه‌ده، دولت رسمی‌لریدن مملکت یشاوچیلری، میدیالر و مدنی فعال‌لرگه قرشی واقعه‌لر برابریده تینچ تورمه‌ی اوز موقف‌لرینی معلوم قیلیشی سوره‌لگن.
شونینگ‌دیک، ایکی مجلس اعضالریدن بیرقطاری، ناراضچیلر ایچیده حضور کیلتیریب و سوز بیریشیچه، اوشبو موضوع‌نی مجلس عمومی ییغینیده بیان ایته‌دی. نماینده‌لر کینگشی اعضالریدن بیری کرام‌الدین رضازاده‌نینگ ایتیشیچه، دولت بیرگن سوزلری برابریده جواب بیریشی کیره‌ک. اونگه کوره، حاضرگچه بیرقطار کیشی‌لر، احمد سعیدی‌نینگ جانی‌گه قصد قیلیش‌گه عیب‌له‌نیب تانیلگن و اولر تیزلیک‌ده جزالنیشی لازم.
شونینگ‌دیک، سنامجلسی بیرینچی اورین باسری محمدعلم ایزدیارنینگ ایتیشیچه، اوشبو موضوع‌نی جدی توتیب و قانیقرلی جواب تاپه‌دی.
احمد سعیدی سلام‌وطندار بیلن اوتکزگن صحبتیده، حاضر ساغلیگی یخشی بولگنینی ایتگن. جناب سعیدی، پاکستان‌گه قرشی بیانات‌لری و افغانستان دولت سیاستی‌دن تنقیدقیلیش‌گه شهرت قازانگن، بوندن آلدین نیچه مرته، ناتانیچ کیشی‌لر تامانیدن، تهدید بولگنینی ایتگن ایدی.
