جمهور رییس اداری اصلاحات ایرکین کمیسیونیگه ۹ ینگی کمیشنرینی معرفی قیلگن. بوگونکی خبری ییغینده جمهور رییس غنی اداری اصلاحات ایرکین کمیسیونی‌نینگ اعضالریدنی معرفی قیلیش پیتیده شایسته شخصلرگه تأکید قیلیب ایتیشیچه، هیچ کیم‌گه کمیسیون سیناویده اره‌لش اجازه سینی بیرمیدی.
شونینگدیک جناب غنی برقی کیم‌لیک اداره‌سیده ایشگه آلینگن یاشلرنی اونملی بیلیب ملی بیرلیک کوچله‌نیشی اوچون شایسته سالارلیکنی نظرده توتیب قومی و سمتی مسله‌لرگه قرشی عمل قیله‌دی.
جمهور رییس حکومت جوابگو بولیشگه تلاش قیلیش یانیده تینیق‌لیک و ملکی خدماتلرده مسؤولیتینی سیزیشگه حرکت قیلگن دیدی.
جناب غنی‌گه کوره، ملی بیرلیک حکومتی کیله‌جک اوچون اوزلریدن بیر کوچلی و ثمره‌لی حکومت میراث قویشگه تلاش قیله‌دی.
اداری اصلاحات ایرکین کمیسیونی نینگ باشلیغی نادر نادری‌نینگ ایتیشیچه، دولتی نهادلرده اصلاحات، تینیق‌لیک و خدمات ارایه قیلیشنی جدی شکلیده عملگه آشیرماقده‌لر.
جناب نادری کمیسیون ایچیده اصلاحات و تینیق‌لیک کیلتیرگنیدن خبر بیریب، ۵۰۰ گه یقین یاش تحصیل کورگن ییگیت‌لرنی برقی کیم‌لیک اداره‌سیده آلینیشی مملکت بویلب امنیت، ثبات، اقتصاد یوکسه لیشی و ملی بیرلیکنی تأمین قیلشنی تضمین قیله‌دی دیدی.
جمهور رییس نینگ کوپه‌یتیریشیچه تیزلیکده ۸ مینگ بست معارف وزیرلیگی‌گه و ۵ مینگ بست هم سیلاو کمیسیونلریده اعلام قیلینه‌دی و بولرگه رقابت قیله‌دیگنلر مسوولیتی ملکی خدماتلر اداره سی و اصلاحات ایرکین کمیسیونی‌نینگ بوینیگه بوله‌دی.
