بوگون «شنبه» کابل‌ده خبری بیر ییغین اوتکزگن مدنی و حقوقی اداره‌لردن بیرقطاری، اساسی قانون تطبیق ایتیلیشی‌نی نظارت قیلووچی ایرکین کمیسیون ایشلریده سیاستچی‌لرنینگ اره‌لشوولریدن تنقید قیلیب ایتیش‌لریچه، اداری فساد موجودلیگی، یخشی حکومتدارلیک یوقلیگی و سیاسی سوءاستعمال قیلیش‌لر قانون حاکمیتی گه ایشانچ کمه‌ییشی گه سبب بولگن.
اولرگه کوره، اساسی قانون تطبیق ایتیلیشی‌نی نظارت قیلووچی کمیسیون‌نینگ اعضالری تعیین ایتیلیش جریانی سیاسی بولگن و بو اداره ییترلی صلاحیت گه ایگه ایمس دیر.
اوشبو ییغینده افغانستان بوییچه حقوقدانلر بیرلیگی اعضاسی عبدالوحید فرزه‌یی نینگ ایتیشیچه، مذکور کمیسیون نینگ اعضالری تعیین ایتیلیشی ده تخصص و شفافیت نظرگه آلینیشی کیره‌ک و بو اداره ایشلاوچی‌لری اساسی قانون نقطه‌ی نظریدن تعیین ایتیلیشی لازم.
بیراق، اساسی قانون تطبیق ایتیلیشی نی نظارت قیلووچی ایرکین کمیسیون اعضاسی عبدالرؤوف هروی نینگ ایتیشیچه، بو کمیسیون نینگ اعضالری تعیین ایتیلیشی سیاسی بولمه‌گن و اولر نماینده‌لر کینگشی نینگ تصدیقی بیلن جمهور رئیس تامانیدن تعیین ایتیلگن.
اساسی قانون تطبیق ایتیلیشی‌نی نظارت قیلووچی ایرکین کمیسیونی، قویاش 1389- ییل‌ده ایجاد ایتیلدی. «جمهور رئیس ، حکومت، ملی کینگش، قضایی کوچ، دولتی و نادولت مؤسسه‌لر و تشکیلات‌لر تامانیدن اساسی قانون تطبیق ایتیلیشی و رعایت قیلینیشیدن نظارت قیلیش، جمهور رئیس و ملی کینگش گه حقوقی مصلحت‌لر بیریلیشی و بلند مرتبه‌لی رسمی‌لرگه اساسی قانون حکم‌لریدن چیققن مسئله‌لر توغریسیده حقوقی فکر بیلدیریش» مذکور کمیسیون نینگ اصلی وظیفه‌لری بولگن.
