بوگون ایرته‌لب ایچکی ییتکرمه‌لر ارگ نماینده‌لری بیلن عطا محمد نورنینگ کیلیشگنی‌دن گزارش ترقه‌تگن ایدیلر.
آتی سیر قالیشینی ایسته‌گن جمعیت حزبی اعضالریدن بیری‌نینگ سلام وطندارگه ایتیشیچه، کمیده بیر آی آلدین جمیعت حزبی بیلن ارگ مذاکره‌سی توخته‌لگن ایدی.
اوشبو منبع گه کوره، ارگ جمیعت حزبی نینگ اجراییه رییسی و بلخ حاکملیگی دن چیکلنتریلگن عطا محمد نورنی قانقتیریش اوچون فقط اوکیشی‌گه شخصی تکلیف بیلن چیقیشگن و جمعیت حزبی ایستکلری اوچون سوزلشوو بولمه‌گن.
منبع نینگ کوپیتریشیچه، ارگ جمعیت حزبی نینگ 12شرطیگه کیلیشمه‌ی جمهورلیک سرایی باشقه بیر یول‌نی سیناوو گه آلگن.
جمعیت اعضالریدن ینه بیر منبع نینگ ایتیشیچه، جمهور رییس‌لیک سرایی بیلن عطا محمد نور آرسیده بولگن شرطنامه، جمعیت حزبی نینگ رهبرلیک کینگشی نینگ کیلیشی اساسیده بولیشی کیره‌ک بولمگن صورتده عطا محمد نور و ارگ نینگ کیلیشیشلری نهایی ایمس.
انه شو حالده بلخ ولایتی کینگش اداره‌سی‌نینگ باشلیغی افضل حدید، جمعیت حزبی نینگ اجراییه باشلیغی عطا محمد نور، جمهوررییس‌لیک سرایی تامانیدن یوباریلگن هیات بیلن سوزلشگنینی تصدیق قیله‌دی.
غنی جنابلری بلخ ولایت مقامی دن عطا محمد نور نینگ چیکلنتریش فرمانی نی صادر قیلدی بیراق نور جنابلری اوشبو قرار گه تن بیرمه‌دی. و اوشبو معما نی حل ایتیش خصوصیده جمهورلیک ریاستی وجمعیت حزبی دن ستار مراد، صلاح الدین ربانی، محی الدین مهدی و واقف حکیمی نماینده بولیب سوزلشوو باشلنگن ایدی همده نور جنابلری مذکور معمانی حلی ایتیش مسله سینی جمعیت حزبی گه تاپشیرگن ایدی.
