اروپالیک بیلیمدانلر باله کورینیشی‌ده بولگن بیر ربات ایشلب چیقارگن‌لر؛ بو ربات سیزیش و سیلَش قابلیتی‌گه ایگه.
(iClub) اسم بیریلگن بو ربات اوینَش، کولیش و عضبله‌نیش قابلیتی‌گه هم ایگه.
انسان‌گه اوخشه‌گن آی‌کلوب رباتی ایشلب چیقاریلیشی اوچون 2006- ییل‌دن بویان اورپالیک بیلیمدانلر ایش آلیب بارگن.
کورینیشیچه، کودک‌که اوخشگه‌گن بو آی‌کلوب، باله کبی یوریب گودک‌لر بیلن اوینه آله‌دی. بیراق، ربات‌نینگ باشقه باله‌لر بیلن فرقی شونده که، آی‌کلوب نیچه تیل‌نی درک قیلیش‌گه قادر.
رباتک ایشلب چیقاریش فنی 1950و 1960- ییل‌لرده باشلنگن. مذکور ربات‌لر مخصوص ایشلرنی بجریش اوچون ایشلب چیقاریلگن.
بوندن آلدین بیلیمدانلر کیله‌جک‌ده ایشلب چیقاریله دیگن ربات‌لر صنعی هوش بیلن جهازله‌نیشی‌دن خبر بیرگن ایدی‌لر.
اوتگن ییل بریتانیالیک تَنیقلی بیلیمدان پروفیسور استیون هاوکینگ، صنعنی هوش یره‌تیشی باره‌سیده آگاه‌لنتیرگن ایدی.
او، بو صنعی هوش ایشلب چیقاریلیشی بشریت اوچون تهدید دییه معلوم قیلگن ایدی. استیون، بوتونلی رواجله‌نیش پاغانه‌سیگه کوتاریلگن صنعی هوش انسان تیریک‌چیلیگی پایانی دیگن.
اما، مایکروساف شرکتی‌نینگ تیکشیروو مرکزی رییسی اریک هارویتزگه کوره، صنعی هوش ایشلب چیقاریش بشریت حیاتی اوچون هیچ قنده‌ی تهدید ایمس.
او، صنعی هوش سیستمی کیله‌جک‌لرده بوتونلی هوشیارلیک‌که قول تاپیشی ممکن دیگن.
صنعی هوش ایشلب چیقاریلیشی سونگی ییل‌لرده سیزیلرلی درجه‌ده آشگن، ینگی ایشلب چیقاریله دیگن ربات‌لر صنعی هوش بیلن جهازله‌نیشی کوتیله‌دی.
