ارزگان ولایتی خاص تومنی‌ده یوزبیرگن توقنه شوولر نتیجه‌سیده، اوچ امنیتی پوسته طالب‌لرنینگ قولی‌گه توشگن.
خاص تومنی باشلیغی عبدالکریم کریمی‌نینگ سلام‌وطندار بیلن تلیفونی سوزله‌شیب ایتیشیچه، اوتکن شنبه کیچه ارزگان ولایتی خاص تومنی «سلطان محمدناو» منطقه‌سیده طالب‌لر تمانیدن اویوشتیریلگن هجوم جریانیده تورت قوراللی طالب هلاک بولگن و باشقه 3 ته‌سی یره‌لنگن. شونینگ‌دیک بو توقنه شووده، ایکی پولیس هلاک بولگن و باشقه 3 ته‌سی یره‌لنگن.
سلطان محمدناو منطقه محلی پولیس قومندانی ملا عبدالصمد‌نینگ سلام‌وطندار بیلن تلیفونی سوزله‌شیب ایتیشیچه، منطقه‌ده اوروش جدی صورتده دوام ایتماقده و حاضرگه قدر محل‌ده حضور تاپگن امنیتی کوچلر اوچون هیچ بیر یاردم بیروچی کوچ یوباریلمه‌گن.
عین حالده، طالب‌لرنینگ سوزلاوچی‌سی قاری یوسف احمدی‌نینگ تلیفونی پیام‌گه ایتیشیچه، ارزگان ولایتی خاص تومنی‌ده یوزبیرگن توقنه شوو جریانیده، ایکی پولیس قومندانی بیرقطار عسکرلری بیلن هلاک بولگن.
ارزگان امنیتی رسمی‌لری حاضرگه قدر قوراللی طالب‌لر سوزلاوچی‌سی‌نینگ بو ادعاسی توغری‌سیده میدیاگه هیچ نرسه دیمه‌گن.
