بوگون «دوشنبه» وزیرلر کینگشی‌ده سوزگه چیقگن اجراییه باشلیغی عبدالله عبدالله‌نینگ ایتیشیچه، سیلاولرگه اصلاحات کیریتیش‌دن قاچمس لازم. اونگه کوره، سیلاولر تیزیمی‌گه اصلاحات کیریتیش خصوصیده، نیچه آی آلدین عمل‌گه آشیریله‌دیگن ایش، حاضرگچه بولمه‌گن.
سیلاولر تیزیمی‌گه اصلاحات کیریتیش غنی و عبدالله اورته‌سیده قول قوییلگن سیاسی کیلیشوونی مهم ماده‌لریدن بیری ایدی؛ بیراق ملی بیرلیک حکومت تشکیلی‌دن بیر یریم ییل اوتگن و حاضرگچه مذکور ایکی حکومتی ییریک رسمی اورته‌سیده‌گی قره‌مه قرشی‌لیک‌لر حل ایتیلمه‌گن.
جناب عبدالله‌نینگ ایتیشیچه، اوشبو موضوع توغری‌سیده، رهبرلر آره‌سیده سوزلشوو دوام ایتماقده.
اجراییه باشلیغی‌نینگ کوپه‌یتیریشیچه، نماینده‌لر کینگشی و تومن‌لر کینگشی سیلاولری، سیلاولر مستقل کمیسیونی تامانیدن تعیین ایتیلگن زمان‌ده یولگه قوییلیشی ممکن.
شونینگ‌دیک، جناب عبدالله، کیله‌جک میلادی آی یولگه قوییلیشی ایتیلگن «وارسا» ییغینی توغری‌سیده سوزلب ایتیشیچه، افغانستان دنیا جماعه‌چیلیگی یاردم‌لرینی کوپراق جلب ایتیش اوچون سعی و حرکت قیله‌دی.
اجراییه باشلیغی، مملکت امنیتی کوچلری‌گه دنیاجماعه‌چیلیگی یاردم‌لری دوامی اونملی دیب ایتیشیچه، دنیا جماعه‌چیلیگی افغانستان‌گه بیره‌دیگن یاردم‌لریگه دوام بیریشی ممکن.
باشقه تاماندن اجراییه باشلیغی، عصیانچیلرگه قرشی کوره‌شیش خصوصیده، امنیتی کوچلرگه امیریکه کوچلری‌نینگ هوایی همکارلیک‌لرینی اونملی بیلیب ایتیشیچه، اوشبو همکارلیک مملکت امنیتی اوستیگه ایجابی تأثیر تشله‌یدی.
