شماری از نامزدان ریاست‌جمهوری امروز در نشست خبری‌یی در کابل خواستار پایان کار رئیس جمهور در اول جوزا شدند.
به گفتۀ آنان، براساس قانون اساسی، کار رئیس جمهور غنی در اول جوزا پایان می‌یابد و پس از آن، قدرت باید به حکومت سرپرست واگذار شود.
محمدحنیف اتمر، نامزد ریاست‌جمهوری و رهبر تیم انتخاباتی صلح و اعتدال با اظهار نگرانی از به تأخیر افتادن زمان برگزاری انتخابات ریاست‌جمهوری می‌گوید، اگر رئیس جمهور غنی مطابق قانون اساسی در اول جوزا به کارش پایان ندهد، بی‌ثباتی سیاسی دامن‌گیر کشور خواهد شد.
در همین زمینه:
احمدولی مسعود، دیگر نامزد ریاست‌جمهوری نیز در این نشست می‌گوید که روز چهار شنبه اول جوزا پایان عمر حکومت وحدت ملی است و حکومت نمی‌تواند به‌گونۀ یکجانبه زمان کارش را تمدید کند و به صورت غیرقانونی و نامشروع به کارش ادامه دهد.
شماری از نامزدان ریاست‌جمهوری رئیس جمهور غنی را به سوءاستفاده از امکانات دولتی نیز متهم کردند، موضوعی که همواره از سوی ریاست‌جمهوری رد شده است.
