اجتماعی ترماقلر فعاللریدن بیرقطاری بیر هفتهدن بویان «اترا قییرده» آتیده بیر کمپاین یولگه قویلگنلر.
اوشبو یشاوچیلرنینگ ایتیشیچه، مخابراتی ترماقلرنینگ اوغیرلاوچیلیگی قابل قبول ایمس و بوندن سونگ بو وضعیتنی قبول قیلمهیدیلر.
اجتماعی ترماقلر فعاللریدن بیری حبیبالله نینگ یازیشیچه، اوزاقده بولگن تومنلردن بیریده تیریکچیلیک قیلهدی و هر آیده انترنت اوچون 4 مینگ افغانی پول بیرهدی.
اونینگ کوپهیتیریشیچه، 12 کون آلدین انترنت پولینی بیرگن ایدی؛ بیراق انترنت ارائه قیلهدیگن شرکت میلادی آی یکونلهنیشی بهانهسی بیلن قیتهدن پول ایستهگن.
مخابراتی ترماقلردن قولنهدیگنلردن باشقه بیرینینگ یازیشیچه، اوشبو ترماقلر گاهگاهی مشتریلرنینگ پولینی اوغیرلهیدی و هرکون متحواسی مسخره بولگن قطار پیاملرنی هم یوبارهدی.
کابل یشاوچیلریدن بیری طارق ایکی مخابراتی ترماقدن قولنهدی. اونینگ ایتیشیچه، مذکور ترماقلر پولینی اوغیرلهیدی و خذمتلری هم صفتسیز دیر.
«اترا قییرده» کمپاینی بیرینچی مرته میرویس آریا تامانیدن یولگه قوییلگن. اونینگ ایتیشیچه، مخابراتی ترماقلرنینگ فعالیتیده تینیقلیک و کیفیت ایجاد ایتیلیشی اوچون اوشبو اعتراضی کمپاین یولگه قوییلگن.
اونینگ کوپهیتیریشیچه، مخابراتی ترماقلرنینگ مشتریلرینی خبری یوق، بیراق تورلی بستهلری مخابراتی ترماقلر تامانیدن فعال قیلینگن و شونینگدیک انترنت و باشقه بستهلرنینگ کیفیتی قویی دیر.
آریا گه کوره، «اترا قییرده» کمپاین تیزلیککه یکونلنمهیدی و مخابراتی ترماقلرگه تینیقلیک کیلمهگن گهقدر دوام تاپهدی.
عینحالده، اترا ادارهسینینگ مصلحتچیسی سیدمحمد انورینینگ ایتیشیچه، مخابراتی ترماقلر مشتریلریدن بیرقطاری، تکنالوژیگه ناآشنا و قندی شکلده قولهنیشنی بیلمهیدی و اوشبو ناآشنالیک سبب، قطار ایشلرنی انجام بیرهدیلر و کریدتلری صرفلنهدی.
جناب انوریگه کوره، مشتریلردن بیرقطار خذمتی بستهلردن بیرینی فعال قیلهدی، بیراق هیچبیر زمان غیرفعال قیلمهیدی و بو موضوع بستهلرنی قیتهدن فعال بولیب پول نینگ صرفلهنیشیگه سبب بولهدی.
1394-ییل 26 اسد ده مخابراتی خذمتلرگه محصول قانونی حکومت تامانیدن تصدیقلندی و مذکور قانونگه کوره، مخابراتی ترماقلر فعالیتلریدن 10% مالیه آلینهدی؛ بیراق مالیاتنی توپلش اوچون حاضرگهقدر «ریالتایم» قوریلمهگن.
1396-ییل 19 میزانده مخابراتی ترماقلردن مالیات توپلش لایحهسیده تینقلیک بولمهگنی باعث، اوشبو ریجه نمایندهلر کینگشی تامنیدن تعلیق حالده قرار تاپتی؛ بیراق کریدت کارتلردن مالیه توپلش حاضرگه هم دوام ایتماقده.