رحمت‌الله بامیان ولایتی نینگ «پیتاب‌لغمان» قیشلاغی یشاوچی‌سی دیر. اونینگ سلام‌وطندارگه ایتیشیچه، 14 یاشیده بولگن سینگیلی نصیبه 3 آیدن بویان درک‌سیز یوقالگن و حاضرگچه اونینگ حیات‌ده بولگنی و بولمه‌گنی خصوصیده، هیچ‌قندی معلومات یوق.
رحمت‌الله نینگ کوپه‌یتیریشیچه، سینگیلی‌نی تاپیش اوچون نیچه مرته پولیس قومندانلیگی، ولایت مقامی، بامیان ولایتی بوییچه انسان حقلری کمیسیونی و ایچکی ایشلر وزیرلیگی‌ده مراجعت قیلگنلر، بیراق مذکور اداره‌لر دقت قیلمه‌گن.
رحمت‌الله گه کوره، سینگیلی یوقالگنیدن بیرکون اوتگنی‌دن سونگ، محمود ناملی بیر کیشی اونگه تلفون قیلیب سینگیلی‌نی موعود کورسی برابریدن ایکی عیال پولیس نینگ قولیدن تسلیم آلیشی‌نی ایتگن، بیراق کته ایناغه‌سی موعود کورسیده بارگن‌ده او ییرده هیچ‌کیم یوق ایکن.
اوندن سونگ، محمود ناملی کیشی بامیان پولیس قومندانلیگی تامانیدن نظارت‌گه آلینگن، بیراق 20 ساعت‌دن سونگ، قوییب یوباریلگن.
اونینگ ایتیشیچه، هیچ‌کیم بیلن دشمن‌لیک‌لری یوق و سینگیلی اوز ایسته‌گی بیلن کیتمه‌گن، بلکیم اوغیرلنگن دیر.
بامیان پولیس قومندانلیگی‌دن بیرمنبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، بامیان پولیس قومندانلیگی‌ده کینگ شلکده فساد بولگنی باعث، نصیبه ناملی 14 یاشر قیزنینگ یوقالگنی خصوصیده هیچ‌قندی دقت بولمه‌گن.
بیراق، بامیان پولیس قومندانلیگی سوزلاوچیسی محمدرضا یوسفی نینگ ایتیشیچه، بوتوغریده بولگن دوسیه جنایی بولیم‌لر تامانیدن تیکشیریلماقده دیر.
بامیان ولایتی بوییچه انسان حقلری کمیسیونی مسووللری‌نینگ فکرینی آلیش اوچون سعی و حرکت قیلدیک، بیراق موفق بولمه‌دیک.
نصیبه نینگ عایله اعضالرینی آگاه‌لنتیریشیچه، بامیان پولیس قومندانلیگی نینگ جنایی جرایم‌لر بولیمی بو توغریده دقت قیلمه‌گن صورتده، مملکت‌نی ترک قیله‌دیلر.
