بدخشان، تخار، هرات، کنر، قندهار و ننگرهار ولایت‌لریده سیلاولر ایرکین کمیسیونی نینگ ولایتی دفترلری مسؤوللری بیلن اوتکزیلگن صحبت‌لرده آواز بیرووچی‌لرنینگ رویخطگه آلیش میزانی‌دن قولگه کیریتیلگن رقم گه کوره، اوتگن اوچ کونده ایسلنگن ولایت‌لرده 150 مرکزده رویخطگه آلینگن‌لرنینگ رقمی 1300 کیشی‌گه ییتیشه‌دی.
اوشبو ارقام‌لرگه کوره، تخار ولایتیده اوتگن 3 کون جریانیده 17 آواز بیریش مرکزده 120 کیشی‌نینگ آتی رویخطگه آلینگن وشونینگدیک، بدخشان ولایتیده 28 مرکز ده 120 کیشی آواز بیریش کارت قولگه کیلتیرگنلر. انه‌شونده‌ی قندهار ولایتیده 28 مرکزده 250 کیشی، ننگرهارده 28 مرکزده 405 کیشی، نورستان‌ده 92 کیشی، هرات‌ده 33 مرکزده 250 کیشی، کنرده 16 مرکزده 362 کیشی مراجعت قیلگن‌لر.
بدخشان مدنی فعاللریدن بیری عبدالبصیر وثیق نینگ ایتیشیچه، آواز بیرووچی‌لرنی رویخط که آلیش لایحه‌نینگ ناکام‌لیگی، جمهورلیک ریاستی سیلاوی‌نینگ ناکام بولیشی‌نی کورسته‌دی.
هرات ولایتی بوییچه سیلاولر ایرکین کمیسیونی باشلیغی احمدداوود صدیق‌زادنینگ ایتیشیچه، سیلاولرده آواز بیرووچی‌لرنی رویخطگه آلیش مرکزلرده اهالی نینگ مراجعتی کم دیر، بیراق کیله‌جک کون‌لرده اهالیگه معلومات بیریش بیلن اولرنینگ سهیم بولیش‌لرینی کوپه‌یشی ممکن.
قندهار ولایتیده سیلاولر ایرکین کمیسیونی باشلیغی هاشم درانی نینگ ایتیشیچه، اوتگن 3 کون جریانیده اوشبو ولایتده بولگن 28 آواز بیریش مرکزده 250 کیشی مراجعت قیلگن.
بدخشان ولایتی بوییچه سیلاولر ایرکین کمیسیونی باشلیغی محبوب‌الله سلطانی نینگ ایتیشیچه، اوشبو ولایتده 28 مرکزده حاضرگه‌قدر 120 کیشی آت‌لرینی رویخطگه یازدیرگن دیر.
جمهورلیک ریاستی سیلاویده آواز بیرووچی‌لرنی رویخطگه آلیش لایحه جوزا آی نینگ 18 ده باشلندی و سرطان آیی نینگ 8 – تاریخی‌گه‌قدر دوام تاپیشی ممکن.
