.jpg)
خوست یشاوچیلریدن بیرقطاری، آواز بیرووچیلرنینگ رویخط‌گه آلیش مرکزلر صفتیده ایش آلینه‌دیگن مسجدلر و مکتب‌لر هدف آلینیشی‌دن خواطر بیلدیریب ایتیشیچه، آواز بیرووچیلرنینگ رویخط‌گه آلیش مرکزلر مکتب‌لر و دینی مرکزلردن باشقه ییرلرگه انتقال بیریلیشی کیره‌ک.
اوشبو خواطرلر بیش کون آلدین نماینده‌لر کینگشی و تومن‌لر کینگشی سیلاولری اوچون آواز بیرووچیلرنینگ رویخط‌گه آلیش مرکزی بولگن بیر مسجد مذکور ولایتده هجوم گه دوچ کیلیب و نتیجه‌ده 17 کیشی اولگنیدن سونگ، کوپه‌یگن.
خوست یشاوچیلری‌نینگ ایتیشیچه، آواز بیرووچیلرنینگ رویخط‌گه آلیش مرکزلر آز گاوجوم بولگن منطقه‌لرگه انتقال بیریلیشی لازم.
.jpg)
خوست ولایتیده سیلاولر ایرکین کمیسیونی‌نینگ ولایتی دفتری بالشیغی عبدالرحمان محبت‌نینگ سلام‌وطندارگه ایتیشیچه، آواز بیرووچیلرنی رویخط‌گه آلیش اوچون دینی مرکزلر و مکتب‌لر خوفسیز ایمس دیر، بیرا بو مرکزلر جمهور رئیس فرمانی، ییترلیچه بودجه یوقلیگی و زمان آز بولگنی باعث، تنلنگن.
خوست ولایتیده‌گی سونگی ناتینچلیک‌لر، نماینده‌لر کینگشی و تومن‌لر کینگشی سیلاولری اوچون رویخط‌گه آلینیشی توغریسیده، مذکور ولایت اهالیسی‌نینگ علاقه‌سیزلیگی گه سبب بولگن. خوست یشاوچیلری‌نینگ ایتیشیچه، اوشبو ولایت‌نینگ خوفسیزلیک وضعیتی گه دقت قیلینمه‌گن صورتده، خوست یشاوچیلریدن آز رقمی سیلاوده اشتراک قیله‌دی.
