آمریکا و طالبان آرهسیدهگی تینچلیک سوزلشوولری، اوتگن هفته پنجشنبه کونی توختهتیلدی. ایکی تامان بو سوزلشوولر توختهتیلیش سببینی رهبرلری بیلن مصلحت قیلیش دییشگن.
قطرده طالبان گروهی نینگ سیاسی دفتری سوزلاوچیسی سهیل شاهین نینگ سلاموطندارگه ایتیشیچه، آمریکا و طالبان آرهسیدهگی تینچلیک سوزلشوولری توختهتیلیشی وقتینچهلیک دیر.
سهیل شاهین گه کوره، طالبان گروهی نینگ رهبرلیگی بیلن صحبت قیلیش حاضرگچه یکونلنمهگن و مصلحتلر یکونلنگنیدن سونگ، کیلهجک بیر هفته گچه آمریکا نمایندهلری بیلن سوزلشوولر قیتهدن باشلنهدی.
اونینگ کوپهیتیریشیچه، اوشبو دور سوزلشوولرده کوپلب ایلگری کیلیشوونامه امضاءلنیشی اوستیگه صحبت قیلینگن.
شاهین نینگ ایتیشیچه، بو کیلیشوونامه اساسیده، آمریکالیک حربیلر افغانستاندن چیقهدی و بدلیده طالبان گروهی تروریستی گروهلرگه افغانستان توپراغیدن آمریکا و بیرلشیکلری گه قرشی فایدهلنیشگه رخصت بیرمهیدی.
اونینگ اورغولیشیچه، تینچلیک کیلیشوونامه سیگه عمل قیلیش بو کیلیشوونامه امضاءلنگنیدن سونگ، باشلنهدی.
آمریکا و طالبان نمایندهلری نینگ ینگی دور تینچلیک سوزلشوولری، پروان ولایتی نینگ بگرام تومنیده بگرام حربی قرارگاهی یقینیده جایلشگن فعالیتسیز بیر ساغلیک مرکزی گه طالبان گروهی نینگ هجومی نتیجهسیده 2 تینچ اهالی هلاک و باشقه 70 تینچ اهالی یرهلنگنیدن سونگ، وقتینچهلیک توختهتیلگن.
شو توغریده…
افغانستاندن 4 مینگ آمریکالیک عسکر چیقهدی