.jpg)
مملکت شمالی‌ده قالین توقووچی عیاللردن بیرقطاری نینگ ایتیشیچه، قالین توقیش صنعتی گه حکومت نینگ دقت‌سیزلیگی باعث، مملکت‌ده بو صنعت نینگ بازاری سُسته‌یگن.
اولرنینگ ایتیشیچه، قالین توقووچیلرنینگ کونده‌لیک درآمدی 80 دن 100 افغانی‌گچه بوله‌دی.
قالین توقووچی عیاللرنینگ قیین‌چیلیک‌لرینی بیلیش اوچون مزارشریف شهری نینگ شرقی‌ده شمالی حوزه‌سی قالین توقووچیلرنینگ شهرچه‌سیگه باردیم.
بو شهرچه‌ده 100 دن آرتیق عیال تورلی قالین توقیش بولیم‌لرده قالین توقیش ایشی بیلن شغللنه‌دی.
ایراندن کیلگن قالین توقووچیلردن بیری 40 یاشیده بولگن مریم نینگ ایتیشیچه، 8 یاشیده بولگنده ایران ده قالین توقیش ایشی گه کیرگن و حاضر تورت ییل‌دن افغانستانده اقتصادی نیازلرینی حل قیلیش اوچون قالین توقیش ایشی بیلن شغللنه‌دی.
.jpg)
مریم دن درآمدی توغریسیده سوره‌دیم. زیریککن سیماسی ایله عجایب آه چیکیب ایتیشیچه، بو یولدن قولگه کیریتگن پولی اقتصادی قیین‌چیلیک‌لریدن 10% نی هم حل قیلمه‌یدی. اونینگ ایتیشیچه، قالین توقووچی عیاللر هر قالین‌دن کمیده 2 مینگ افغانی پول قولگه کیریتیشه‌دی. مریم، بو توغریده دولت نی دقت‌سیزلیک‌که عیب‌لیدی.
شونینگدیک، اوشبو قالین توقیش شهرچه‌سیده مریم کبی یوزلرچه عیال آز پول بدلی‌ده ایرته‌لب 8 دن کیچ قورون ساعت 4 گچه ایشله‌یدیلر.
مریم بیلن صحبت قیله‌دیگن چاغیم‌ده کوزیم ایکی کیچیک اوغیل و قیزی بیلن قالین توقیب تورگن باشقه بیر عیال گه توشدی.
کمیده 30 یاشیده بولگن شبنم نینگ ایتیشیچه، 12 ییل‌دن بویان قالین توقیدی.
اونینگ ایتیشیچه، هر بیر قالین نینگ باله‌لری بیلن بیرگه ایکی آیده توقیدی و 2 مینگ افغانی قولگه کیریته‌دی و بو پولنی فرزندلری نینگ اوقیشی گه صرفله‌یدی.
اوشبو قالین توقووچی عیاللرنینگ اورغولشیچه، قالین توقووچی شرکت‌لری اولرگه جوده هم آز پول بیریشه‌دی و عین دمده، آغیر ایشلرنی اولر قیلیشه‌دی.
.jpg)
قالین توقووچی عیاللر، قالین صنعتی بولیمی‌ده حکومت نینگ دقت‌سیزلیک‌که عیب‌لب ایتیشیچه، بازار یوقلیگی باعث، توقیلگن قالین‌لر آز پول گه شرکت‌لر تامانیدن ساتیب آلینه‌دی.
شمال حوزه‌سیده قالین توقووچیلرنینگ بیرلیگی‌نی باشلیغی عبدالستار بیگ‌زادنینگ ایتیشیچه، مملکت بویلب کمیده 3 میلیون کیشی قالین صنعتی بیلن شغللنه‌دی.
اونگه کوره، افغانستان قالینی‌دن 75% شمال حوزه‌سیده توقیلیب چیقه‌دی، بیراق حکومت قالین توقووچی‌لرگه بیرگن سوزینی عمل‌گه آشیرمه‌گن.
بلخ ولایتی بوییچه صنعت و سوداگرلیک اداره‌سی باشلیغی شیراحمد سپاهی‌زاده، قالین توقووچیلرنینگ قیین‌چیلیک‌لرینی تَن آلیب و قالین توقیش صنعتی حمایت بولیشی توغریسیده سعی و حرکت‌لر قیلینیشی‌نی بیلدیرگن.
مملکت‌ده‌گی موجود ناتینچلیک، چیت‌ایل‌دن صفت‌سیز ایپ‌لر آلیب کیلینیشی و قالین توقیش صنعتی‌دن دولت نینگ حمایت قیلمه‌گنی باعث، بو صنعت قیین‌چیلیک‌که دوچ کیلگن.
شو توغریده…
فاریاب ولایتیده قالین و گلیم توقووچی ایش‌خانه‌لردن 70% کسادگه اوچره‌گن
