.jpg)
آغاملوک سحر کمپیوتری سافت ویر کشفیاتچی سی. بو کمپیوتری سافتویر ایشله تیلگن حالده، جامعه ده ادارهی فسادنی ایلدیز یوق قیلیش ممکن دیدی او. ملوک، مذکور سافتویر دن سیلاولر، کانکور سیناوی و بانکچیلیکده فایده لنگن تقدیر، هر قندهی تقلب و فریب گرلیک آلدینی آلیش اوچون ایجابی تاثیری بار دیگن.
22 یاشده بولگن مذکور یاش ییگیت کابل بیلیم یورتی مهندسلیک فاکولتهسینینگ اوچینچی ییل محصلی. او، اوشبو سافتویر کشفیاتی بارهسیده سلاموطندار بیلن قیلگن صحبتده ایتیشیچه، او، "لمر" ناملی مذکور سافتویر اوستیده ایکّی ییل تمام ایش قیلگن. آغاملوک بو سافتویرنی کشف قیلیشده چمهسی ایکّی ییل وقت صرفلهگن لیگیدن نیت هم مملکتده اداره فسادنی یوق قیلیش و شفافیت آقیمینی وجودگه کلتیریش بولگن لیگینی معلوم قیلگن.
بو یاش ییگیت سافتویر اوستیده بولگن ایش هنوز اوز پایانیگه ییتمهگن دیدی. او، بو نرسهنی توزه تیش اوچون هنوزگچه بیر یریم مینگ اقش دالری صرفلهگن. ملوک، مملکت بیلیم یورتلریده بو قیلگن ایشی بیلن منگو قالیشینی آروز قیلهدی.
بو سافتویر ایکّی بولیم و 24 دستوردن عبارت. سافتویرنینگ تیز خذمت دستوری پولیس، شفاخانه و اوت اوچیروچی اداره بیلن تیزلیکده علاقه قوریش اوچون مول جللنگن و عاموی خذمتی ایسه سیلاولر، بانکچیلیک، ایمل المشتیریش، بیلیم یورتلر توغریسیده خبر بیریش، مسجدلر، مملکت ولایت لری، کتابلر، آنلاین اوقیش، سپورت، وبسایتلر هتللر و اخبارت واسطهلری اوچون ریجهلشتیریلگن.
.jpg)
آغاملوک، بودستورنینگ برچه بولیم لریدن کوره، کوپراق سیلاولر مسالهسیگه قرهشلی بولیمی اوچون تاکیدقیلهدی. اونینگ سوزلریگه قرهگنده، سیلاوچیلر ایستهگن نامزدگه آنلاین روشده اوزاقدن توریب آواز بیریشی امکاندن اوزق ایمس. اوشبو سیتسم سیلاولرده ایشله تیلگن تقدیرده، بیر تاماندن ساخته کارلیک آلدینی آلهدی وایکینچی طرفدن ایسه وقت و مبلغ تیجهلهشی اوچون همکارلیک قیلهدی.
شونینگدیک لمر سافتویرینی فیسوبوک اجتماعی ترماق کبی صفحهسی بار. بونده فرق فقط کیشیلر ساخته آدرسلر بیلن کیریشلری ممکن ایمس. هیچ بیر کیمسه مذکور صحفهده آبونه بولیب، باشقهلرنی حقارت قیلیش رخصتیگه ایگه ایمس. بو سافتویر هر بیر شخص اوزی اوچون فقط بیته آدرس آچیشی اوچون شرایط یرهتیب بیرگن.
آغاملوک، بو صحفهنی فایدهلنوچیلری فقط کیملیکلری رقمینی اوتکزیش بیلن ایش آلیشگه موفق بوله آلر ایکن لرینی ایتهدی.
کیملیک نینگ رقمی یازیب قالدیریلگندن سونگره لمر سافتویری اتوماتیک روشده ایشلاوچینینگ سریال رقمینی یوباره دی. اونینگ بو نرم افزار توغریسیده معلومات بیریب ایتیشیچه، بو نرمافزار شخص رویخطدن اوتیشی اوچون نیچه باسقیچ نی اوتهشیگه توغری کیلهدی. هنوزگچه 200 کیشی بو سافتویر رویخطیگه آلینیب، فایدهلهنیش شرایط گه ایگه بولگنلر دیدی آغاملوک.
.jpg)
آغاملوک سحر، یخشی حکومت چیلیک اوچون یالغوز تکنالوژی امکانیتلریدن فایده لهنیش کوزلنگن مقصدگه ییتکزهدی دیگن. او، کونی کیلیب مملکتنینگ بوتون خلقی بو قبیل سافتویرالرنی ایشلهتیش بیلن افغانستانده اداری فسادگه نقطه قوییش آرزوسی هم یوق ایمس البته.
کابل بیلیم یورتینینگ بو محصلی، لمر کومکی بیلن توغریدن – توغری کیشیلر قولاقچی یا – ده کمپیوتر برنامهلری آرقهلی مملکتنینگ هر بیر ییریدن توریب سیلاولرده اشتراک قیلیشی ممکن دیدی. بو برنامه دن ایش آلگن شخص اوچون سیلاولرده اشتراک قیلیش امنیت و خوفسیزلیک توسیق بولمه دیدی دیگن.
ایش قدیریش آغاملوک ایشلب چیقارگن سافتویرنینگ باشقه بیر قابلیتی حسابلنهدی. اونینگ ایتیشیچه، هر بیر اداره تامانیدن ایش اعلانی بیریلگن حالده، لمر سافتویر اونی تیزلیکده قیدیریب تاپهدی. فایدهلنوچی شخصنینگ کیملیگی توغریسیده ایگلریدن حجتلر یازیب آلینگن بولسه، برماغی آستیدهگی کلیدنی باسیش بیلن ایسته گن ادارهگه اوز حجتلرینی یوباره آلهدی.
اوشبو یاش ییگیت بو نرمافزارنی وجودگه کیلتیریش اوچون آیلیب سعی وحرکت آلیب بارگن لیگینی تیلگه آلگن. او، یالغوزلیک بیلن بو سافتویرنی اجتماعی قیلیشی ممکن ایمس، او بو توغریده حکومتنی همکارلیک قیلیشی اوچون اساسی احتیاج بار دیگن.