افغانستان و پاکستان ایشلری بوییچه امیریکه‌نینگ خاص نماینده‌سی ریچارد اولسون‌نینگ ایتیشیچه، اورته آسیا و جنوبی آسیا ثباتی، امیریکه اوچون جوده مهم و اولرنینگ فکری‌گه، آسیا یوره‌گی مملکت‌لری‌نینگ ییغینی، اوشبو حوزه اقتصادی یوکسلیشی، ثباتی و تینچ‌لیک کیلتیریشی خصوصیده، منطقه‌یی سعی و حرکت نشانه‌سی دیر.
جناب اولسون‌نینگ ایتیشیچه، آسیا یوره‌گی اولتیریشی افغانستان اوچون ایجابی رول اوینه‌آله‌دی و اوشبو مملکت منطقه همکارلیک‌لری کوپه‌یتیریلیشی خصوصیده، جدی شکلده سعی و حرکت قیلیشی لازم؛ اوشبو سهمیه آلیش، اینیقسه عصیانچیلیک‌که قرشی کوره‌شیش خصوصیده، ایجابی تأثیر تشله‌یدی.
تینچ‌لیک سوزلشوولری خصوصیده، افغانستان و پاکستان اورته‌سیده‌گی علاقه اهمیتی توغری‌سیده، جناب اولسون‌نینگ ایتیشیچه، اوشبو سوزلشوولر کابل رهبرلیگی‌ده، منطقه مملکت‌لری اورته‌سیده ایشانچ کیلتیریش مقصد بیلن، منطقه اوچون ایجابی تأثیر تشله‌آله‌دی. اولسون‌گه کوره، افغانستان و پاکستانده‌گی جاری زوره‌وانلیک‌لر و اوروش یکونلنیشی خصوصیده، تینچ‌لیک سوزلشوولریدن باشقه هیچ بیر یول یوق دیر.
افغانستان و پاکستان ایشلری بوییچه امیریکه خاص نماینده‌سی‌نینگ ایتیشیچه، امیریکه‌نینگ حربی ماموریتی افغانستان‌ده یکونلنگن؛ بیراق امیریکه دواملی شکلده افغانستان ثبات‌لیگی اینیقسه اوشبو مملکت امنیتی کوچلری‌گه یاردم بیره‌دی.
ایتیش لازم، امیریکه رهبرلیگی‌ده ناتو تشکیلاتی‌نینگ ماموریتی میلادی 2016- ییل اداغیگچه قیته‌تیکلنگن و تصدیق‌لنگن زمان‌گه قدر ناتو حربی کوچلریدن 13 مینگ کیشی‌سی، افغانستان امنیتی کوچلرنی تربیه‌لش و جهازلش خصوصیده، اوشبو مملکت‌ده قاله‌دی.
