تنیقلی اوزبیک شاعری و جماعت اربابی. 1936 ییل نینگ 28 دسمبریده آلتی اریق تومنیده اوقیتووچی عایله‌سیده توغیلگن. توقّیز یاشیده آته‌سیدن، بیر ییلدن سونگ آنه‌سیدن اجره‌لگن. تاشکینت‌لیک تاغه‌سی کریم‌بای صاحب‌وف قولیده تربیه‌لنگن.

مین ایسه هیچ بیر یازووچی-شاعر اثرینی اوقیب، رحمتلی ایرکین واحدوف نینگ اثرلری تأثریگه قالگنچه اوزیمنی یوقاتمه‌گن ایدیم. هر زمان شاعر شعرلرینی اوقیگن‌‌ده بوتونله‌ی اوزیمنی یوقاتیب شعرلری‌ تاثیریگه بیریله‌من.

ایرکین واحدوف ایللیگینچی ییللردن اوزبیک شعریتی کوکیده پارلب تورگن یولدوزلردن بیری حسابلنه‌دی، اونینگ ایجادی یوکسک انسانی فکرلر، ایرکینلیک و عدالت‌گه اینتیشلیش تویغولری، جوده نفیس لیریک تخیل و تصورلر، ایزگولیک و گوزه‌ل‌لیککه مشتاق‌لیک غایه‌لری بیلن یوغیریلگن.

چنار مهابتلی بولگنى ياكه اوزاق عمر كورگنى اوچون بويوك ایمس. بلكه چنار قنده‌ى شمال ایسيشيدن، قچان ایسيشيدن، قياققه قره‌ب ایسيشيدن قطعى نظر، قيلت ایتمه‌ى تورگني اوچون بويوك دير.

اوزبیکستاندن قدکوترگن جدّی،کوره‌شچن وکیسکین شخصیت رحمتلی ایرکین واحدوف حضرتلری هم اوزبیگیم ناملی قصیده‌سی آرقه‌لی چیگره‌لرنی کیسیب اوتیبدی.

شاعر ایرکین واحدوف‌نی افغانستان اوزبیکلریگه انه شو قصیده تنیشتیرگن بولسه عجب ایمس. ینگلیشمه‌سم اوزبیگیم قصده‌سی ایلک‌بار 1358 ییلی یولدوز جریده‌سیده نشر ایتیلگن. روایتلرگه کوره یولدوزنینگ وقتلی مسؤول محرری مرحوم ایرگش اوچقون اوشبو قصیده‌نی نشر ایتگنی باعث ایشدن آلینگن.