اوشبو حادثه بوگون (پنج‌شنبه 23- عقرب) ایرته‌لب ساعت 2:30 اطرافیده ایران مملکتی‌ده یوزبیرگن کیم نتیجه‌ده، افغانستان یشاوچیلریدن 28 ته‌سی هلاک و باشقه 21 ته‌سی یره‌لنگن.

ایران رسانه‌لری نینگ گزارشی اساسیده، مذکور حادثه بوگون ایرته‌لب افغانستان یشاوچیلری مینیلگن ایکی «تویوتا» تیپلی موتر سیستان‌وبلوچستان ولایت مرکزی یقینلیگی «سراوان-خاش» قتناو یولیده بیر بیراوی بیلن برخورد قیلیشی باعث یوزبیرگن.

زاهدان ساغلیک بیلیم‌‌لری بیلیم یورتی کسلخانه‌سی نینگ عاجل بولیمی مسئوللری نینگ ایران رسانه‌لریگه ایتیشیچه، مذکور حادثه قاچاق یولیدن ایران تامان کیله‌دیگن افغانستان یشاوچیلری مینیلگن 2 موترنینگ برخوردی باعث یوزبیرگن.

مذکور ترافیکی حادثه‌ افغانستان یشاوچیلری ناقانونی شکلده افغانستان و پاکستان‌دن کیله‌دیگن یولده یوزبیرگن.

افغانستان یشاوچیلری بو یول آرقلی ترکیه و شونینگدیک باشقه مملکت‌لرگه کیته‌دیلر.

شو توغریده:

• بغلانده بیر موتر ییقیلگنی باعث، 17 کیشی هلاک بولگن

• سرپل‌ده بیر موتر ییقیلگنی باعث 9 کیشی هلاک بولگن