دنیا
آی‌اس‌آی نینگ القاعده ترماغی بیلن علاقه‌سی بار ایکن؛ عمران‌خان اعتراف قیلدی
پاکستان باش وزیری عمران‌خان نینگ ایتیشیچه، اوشبو مملکت نینگ حربی و استخبارات تشکیلاتی (آی‌اس‌آی) افغانستان اوروشی اوچون القاعده ترماغینی تربیه‌لشگن.
اوتگن کون آمریکانینگ تشقی علاقه‌لر کینگشی‌ده پاکستان باش وزیری نینگ تصدیق قیلیشیچه، پاکستان حربی‌سی و اوشبو مملکت نینگ استخبارات تشکیلاتی القاعده ترماغی بیلن علاقه‌ده بولیب و افغانستان اوروشی اوچون بو ترماقنی تربیه قیلگن‌لر.
عمران‌خان نینگ ایتیشیچه، آمریکا و طالبان نماینده‌لری آره‌سیده تینچلیک سوزلشوولری توخته‌تیلیشی پاکستان اوچون آغیر توشگن.
اونینگ کوپه‌یتیریشیچه، آمریکا 19 ییل جریانیده افغانستانده مؤفق بولمه‌گن صورتده، کیله‌جک 19 ییل‌ده هم بو مملکت‌ده مؤفق بولمه‌یدی.
پاکستان باش وزیری، القاعده ترماغی بیلن پاکستان نینگ علاقه‌سینی تصدیقلگن بیرچاغده، بوندن آلدین مذکور مملکت نینگ رسمی‌لری عصیانچی ترماقلر بیلن علاقه‌ده بولگن‌لری و پاکستان توپراغیده عصیانچیلرنینگ باش‌پناهی بولگنینی رد قیلیب کیلیشگن.
